Алексей Калашников

Алексей Викторович Калашников («Патрис») — альпинизм жана аскага чыгуу боюнча СССРдин спорт чеберине талапкер, нускоочу. «Политехник» секциясынын (А. Тустукбаевдин жетекчилигинде), андан кийин «Сельмашевец» секциясынын (В. Денисовдун жетекчилигинде) тарбиялануучусу, «Кыргыз Ала-Тоо» көзөмөл-куткаруу пунктунун нускоочусу. Алган жаракатына карабай чыгыш капталынын борбору боюнча Хан-Теңири чокусуна көтөрүлгөн топтун катышуучусу болгон (6Б, СССР чемпионатында 3-орун). Ал 30га жакын 5 жана 6-татаалдык категорияларында бийиктиктерди багындырган. Аскага чыгуу боюнча өзүнүн өзгөчө техникасын иштеп чыгып, Э. Насонованын олимпиадалык резервдеги спорт мектебинде аскага чыгуу боюнча машыктыруучу болуп эмгектенген.