Касымалы Байгазинов

Касымалы Байгазинов (1911–1943) — альпинист, Кыргыз ССРиндеги альпинизмдин алгачкы беш инструкторунун бири. Ала-Арчанын жогорку бөлүгүндөгү аты жок чокуга (4370 м) чыкканда, анын сунушу менен ал чоку Манас чокусу деп аталган. 1937-жылдан тартып Фрунзе шаарынын альпинисттеринин дээрлик бардык чыгууларына катышкан. Опера ырчысы, Фрунзе шаарындагы Опера жана балет театрынын солисти болгон.

Согуш маалында 5-армиянын курамында кызмат өтөп, 1943-жылы алган жарааттарынан каза болгон. Запорожье облусундагы Орехово айылына жакын жердеги бир туугандык көрүстөнгө коюлган.