Александр Ерапунов
1929–2014
Александр Ерапунов (1929–2014). Альпинизм боюнча СССРдин спорт чебери, «Эдельвейс» орденинин кавалери. 1947-жылы негизделген Ош альпинизм секциясынын тарбиялануучусу, 1952-жылы Ош шаардык аткаруу комитетинин алдындагы альпинизм федерациясынын негиздөөчүсү. 1965-жылы Каракол чокусуна биринчи жолу маршруттан өтүп, СССР чемпионатында 4-орунду алган.
1966-жылы Фрунзеге көчүп келип, «Спартак», «Сельмашевец», «Политехник», «Инструментальщик» альпинисттик секцияларын түзүүгө катышкан. 1987-жылы Ленин чокусуна массалык чыгууну жетектеген (70 адам, алардын 54ү Кыргыз ССРинен). Ошондой эле Жеңиш (7439 м), Хан-Теңири (6995 м), Аскердик топографтар (6887 м), Кызыл-Агын (6679 м) чокуларына чыгууларды уюштурган. 65 жашында Кытайдагы жети миңдик Музтаг-Ата чокусуна (7546 м) чыккан.