Сергей Селивёрстов

Сергей Вячеславович Селивёрстов — альпинизм боюнча КР эл аралык класстагы спорт чебери, 2024-жылга чейин КР альпинисттеринин улук машыктыруучусу, «Кышкы ак илбирс», IFMGA'нын тоо гиди, «Скиф-Политехник» секциясынын машыктыруучусу. «Политехник» секциясынын тарбиялануучусу (А. Губаевдин жетекчилигинде). 2011-жылы «Ак илбирс» наамына ченемдерди аткарган. Эльбруска (2006, 2007, үчүнчү жана экинчи орун), Ленин чокусуна (2012, бешинчи орун) ылдамдыкта чуркоого, Монбланды айланып чуркоого (94 саатта 284 км, алтынчы орун) катышкан.

2012-жылы Андрей Пучинин менен бирге Чо-Ойю чокусуна (8201 м) жардымчысы жок жана кычкылтексиз, 2013-жылы Шиша-Пангма чокусуна (8027 м) да кычкылтексиз чыккан. 2016-жылдан 2020-жылга чейин созулган «Кышкы ак илбирс» долбоорунун демилгечиси. Долбоордун жүрүшүндө кыш мезгилинде КМШдагы жети миң метр бийиктиктеги чокуларга чыгышкан, анын ичинде классикалык эмес жолдор менен Коммунизм чокусуна (Сомони, 7495 м) чыгып, «Илбирс жолу» жаңы каттамы салынган. № 1 «Кышкы ак илбирс» болгон.

Анын эсебинде 300гө жакын татаал категориялардагы чокуларга чыгуу болсо, 15 жолу биринчилерден болуп чокуга чыккан, 4 маршруту 6-татаалдык категориясындагы чоку болгон, 80ден ашык 5А жана 5Б маршруттары менен жүргөн, 30дан ашык 7000 метрден жогору көтөрүлгөн, 13 жолу Ленин чокусуна, 7 жолу Хан-Теңирине, 2 жолу КМШнын калган жети миң метр бийиктиктеги чокусуна, 2 жолу Ама-Даблам чокусуна (6814 м) чыккан.